அறிவிப்புகள்

கிருஷ்ணகிரி மாவட்டத்தில் உள்ள அரசு மருத்துவக் கல்லூரி மற்றும் மருத்துவமனை, அரசு மருத்துவமனைகள் மற்றும் அரசு ஆரம்ப சுகாதார நிலையங்களில் காலியாக உள்ள தற்காலிக / ஒப்பந்த அடிப்படையிலான செவிலியர் பணியிடங்களை நிரப்புவதற்காக, தேசிய சுகாதார இயக்கம் – தமிழ்நாடு (NHM-TN) மூலம் விண்ணப்பங்கள் கோரப்பட்டிருந்தன. பெறப்பட்ட விண்ணப்பங்கள் பரிசீலிக்கப்பட்டு, விண்ணப்பதாரர்கள் தங்கள் விவரங்களைச் சரிபார்க்கும் வகையில் அவை கிருஷ்ணகிரி மாவட்ட இணையதளத்தில் வெளியிடப்பட்டுள்ளன.

சமூக நீதிக்காக பாடுபடுபவர்களை சிறப்பிக்கும் வகையில், 1995ஆம் ஆண்டு முதல் வழங்கப்பட்டு வரும் “சமூக நீதிக்கான தந்தை பெரியார் விருது” 2026ஆம் ஆண்டிற்கும் வழங்கப்பட உள்ளது.

இவ்விருதுடன் ரூ.5 லட்சம் ரொக்கப் பரிசு, ஒரு சவரன் தங்கப்பதக்கம் மற்றும் தகுதியுரை வழங்கப்படும். சமூக நீதிக்காக பாடுபட்டு, பொதுமக்களின் வாழ்க்கைத் தரத்தை மேம்படுத்திய சாதனையாளர்கள் தங்களது விண்ணப்பங்களை மாவட்ட ஆட்சியருக்கு அனுப்பலாம்.

விண்ணப்பத்துடன் சுயவிவரம், முழு முகவரி, தொலைபேசி எண், சமூக நீதிக்காக மேற்கொண்ட பணிகள் மற்றும் அதற்கான ஆவணங்களை இணைக்க வேண்டும்.

விண்ணப்பங்கள் மாவட்ட ஆட்சியருக்கு வந்து சேர வேண்டிய கடைசி நாள்: 20.10.2026.

மாவட்ட ஆட்சித்தலைவர் திரு.சி தினேஷ் குமார் இ. ஆ. ப., அவர்கள் தெரிவித்துள்ளார்